Sunday, November 8, 2009

കടലുപ്പ്‌

ചൂണ്ടയിലൊ
വലയിലൊ പെട്ട്
ജന്മം തീര്‍ന്നിട്ടും
വേവാതെ ഉപ്പില്‍
പുതഞ്ഞു കിടപ്പുണ്ട്
കടല്‍മീനുകള്‍.

ആരും ഉപ്പിനെ
കടലുപ്പ്‌ എന്നു
പറഞ്ഞു കേട്ടിട്ടേയില്ല.
ആര്‍ക്കെങ്കിലും
ഒന്നു പറഞ്ഞൂടെ;
ഒരു നിമിഷമെങ്കിലും
കടലായ് കഴിഞ്ഞിരു-
ന്നതിന്‍ തിരപ്പെരുക്കങ്ങള്‍
ഓര്‍മ്മിച്ചെടുക്കാലൊ.

18 comments:

  1. നല്ല ഭാവന....
    ഉപ്പിനെ ആരും കടലുപ്പ് എന്നു വിളിക്കാറില്ല അല്ലെ..
    പക്ഷെ ഉപ്പിനെ കല്ലുപ്പ് എന്നു പറയും ....

    ReplyDelete
  2. ഉള്ളിലൊരു കുടല്‍ മാത്രമല്ല,
    കടലുമുണ്ട്..എന്നൊരു കവിത എവിടെയോ വായിച്ചതോര്‍ ക്കുന്നു

    ReplyDelete
  3. ഒരു ചൂണ്ടക്കുരുക്ക്‌ ഊരി വന്നതേ ഉള്ളു.
    പക്ഷേ ഇത്‌.. ഇതു പെട്ടെന്നൂരാന്‍ കഴിയില്ല.
    നന്ദി.

    ReplyDelete
  4. കല്ലുപ്പിലുറഞ്ഞ കടലിന്റെ കണ്ണീര്‍..

    ReplyDelete
  5. ഒരു നോവ് ബാക്കിവെച്ചു...........

    ReplyDelete
  6. Kadalillaatheyum Uppundakaamenkilo...?

    Mnohram, Ashamsakal...!!!

    ReplyDelete
  7. നല്ല വിത
    മലയാളകവിതയിലും പോസ്റ്റൂ
    www.malayalakavitha.ning.com

    ReplyDelete
  8. തിരപ്പെരുക്കങ്ങള്‍ അമര്‍ത്തി വെച്ചല്ലേ
    അതിങ്ങനെ കയ്ച്ചു പോയത്..

    ReplyDelete
  9. സുന്ദരമായി തോന്നി ഭാവന.
    കവിത ഇഷ്ടായി.

    ReplyDelete
  10. ഓർമകൾ ഉണ്ടായിരിക്കട്ടെ.........

    ReplyDelete
  11. വെറുതെ ഓര്‍മ്മിച്ചെടുത്തിട്ടെന്തിനാ???
    എന്നാലും വെറുതെ ഓര്‍ക്കാലോ,ല്ലേ??

    ReplyDelete
  12. നാട്ടില്‍ നിന്ന് വരുമ്പോള്‍ എന്തെങ്കിലും വേണോയെന്ന് ആരെങ്കിലും ചോദിച്ചാല്‍ പറയും. കുറച്ച് കല്ലുപ്പ് എന്ന്. ഇവിടെ കിട്ടാഞ്ഞിട്ടാണ്. ചമ്മന്തിയുണ്ടാക്കാനാണ്.

    ആ കല്ലുപ്പിന് ഇങ്ങനെയും ഒരു മുഖം ഉണ്ടല്ലേ
    ഇനി ഞാന്‍ കടലുപ്പ് എന്ന് വിളിക്കാമെടാ

    ReplyDelete
  13. sasi,
    uppil kidannitum uppillatha meen
    karakkethumbol.
    sneham.
    asmo.

    ReplyDelete
  14. Sasi...Kannuneerile uppinekurich arodu parayum.Kavith Nanniyittundu.Hussair.

    ReplyDelete